頭先喺屋企做咗次賊……我自己都唔明点解要咁偷偷摸……天……（天沒有應我……）

 

全屋人瞓晒教，夜深人静之際，就係不孝女 -- 我，出動嘅時間。点燃咗一支清香（還生怕点三支味道太濃，会招嚟BABAMAMA嘅注意），为嬤嬤而点的。我睇住嗰一丁點燃燒紧嘅亮光，谂返起1999年嘅3月8号。七年前嘅事。

 

我自認，我好不孝，貼晒地咁不孝。我从嗰一日，先開始懂得珍惜嗰一份咁珍貴又独家嘅祖孫之情。我SHIT咗自己好多次，尤其係每一年嘅3月8号。我恨自己啊……我有好好關心過她吗？那一件在99年3月9号淩晨在被窩里面嚎哭而又不敢哭出聲音嘅蛋散，有人性嗎？

 

懺悔哩样嘢，于我嚟讲，唔係后天发明嘅，係与生俱來嘅。就好似一个PROGRAM，到咗某時辰就自动发作，佢喺我个腦装咗个播放器，一发作，首先不断REPEAT一啲全部係我做奸角嘅陈年旧事，然後将我陷入万劫不复，令我導致自動性機件失灵，猶如一部中晒招嘅電腦，停頓，然后被摧毀。

 

和以往一样，哩日一直记挂住一个叫六榕寺嘅地方。哩度係一廠，最大嘅外景，我有好多做奸角嘅戲份就喺哩度煞科。哩六年来，我一直念念不忘哩个地方。如果時間倒流嘅话，我一定会選擇做返最忠嗰个。但係，我覺得我一定唔够膽入去。戲里面嘅奸角大徹大悟嘅时候都難免喊返一场嚟收返个尾，我覺得我亦難逃此命運，尤其係一廠哩一个足够令後悔杀死我嘅地方……

 

播放器内，“罪行回顧”紀錄大片接近尾聲，而我，黐咗总制，烧埋FEEL屎，内存主板分离，CPU过热融化，硬盤扇區壞死，徹底斷線，成为世界上重量最细嘅電腦 -- 永久性轻机。

 

CLOSE FILE……