Cathony 的个人资料猫鱼知+：人生有個真正朋友~的確好……极！飲勝！照片日志列表更多  |  工具 帮助 |
|
2009/10/24 对你对我都有益嘅大道理collection任何时候，任何人问你，有过多少次恋爱，答案是两次。一次是他爱我，我不爱他。一次是我爱他，他不爱我。好的爱情永远在下一次。别给同一个人两次伤害你的机会。
体验生活，是另外一回事，并不意味着堕落和放纵。千万不要认同那些伪装的酷和另类。他们是无事可做的人找出来放任自己无事可做的借口，真正的酷是在内心。
好好去爱，去生活。青春如此短暂，不要叹老。偶尔可以停下来休息，但是别蹲下来张望。走了一条路的时候，记得别回头看。时不时问问自己，自己在干嘛?
相信爱情。相信好男人和好女人还存在，还未婚，还在茫茫人海中寻觅你。别说“男人（或者女人）没一个好东西”，这样使别人误以为你阅人无数。
如果你20岁以后所花的每一分钱还都是伸手向父母亲人要来的，那你的满身名牌就只能衬托出你的无耻。
做人有时要强悍一点，被欺负的时候，一定要讨回来！但是不要记恨。小人之见，随他们去好了。有原则的宽容和怜悯，会使你高贵。
如果你已经过了20岁但还不到25岁的话，你必须找到除了爱情之外，能够使你用双脚坚强站在大地上的东西。你要找到谋生的方式。
2009/7/2 经过一下下。。。。。。久咁耐冇上MSN，仲以为MSN会把我ID自动归为垃圾一类……估佢唔到又上到喔~~~真係俾佢吹涨~~~
唔知点解，又上返嚟UP下废话了写下废字了。都好嘅，因为有几位一直冇见，喺世界另一国度嘅朋友，一直靠MSN此物来联系。只怪自己一直疏于打理，搞到和MSN脱节了。
上到嚟之后，发现成个世界唔同晒，界面、功能，几乎完全脱离印象，只有我设下的黑嘛嘛background，先可以make sure自己冇去错地方。MSN SPACE 变咗喇，人有“女大18变”，估唔到唔知是公是母嘅MSN亦然。
各位朋友见到我回魂，不需恐慌。我嘅兴趣从来不是周度click去睇人啲blog，而係同大家讲我仲在生，JUST交带一下而已。
的确，我仲在生。係咪好冇天理？哈哈~~~ 冇计，我命硬。
DOROTHY走咗，契家姐走咗，天皇巨星MJ走咗，妹仔走咗，冇啦，睇化啰都，N年后都轮到自己啦。只不过钟意嘅嘢、有感情嘅嘢突然离开，硬係觉得係假嘅。冇计啦，射手座嘅人，一向都有精神病，只不过我认为我未去到要帮衬傻十嘅地步咁啫。我知道，佢哋嘅精神仲喺度（我有咁“当”过），只要我记得佢哋，就得了。
信信话斋，有失落就会有收获！我好buy噶哩句说话！今年虽然经济唔好，但係我都有得着，起码宜家我係我铺头100%权力话事人（好似从来都係我话晒事，但係攞住其它人嘅钱嚟run，始终比较有压力），我拥有属于自己嘅事业王国（哈哈，王国……细过梵帝冈啦！我依然係咁大言不惭！），虽然经济一度陷入困局，但係都可以安然度过啦at last。冇计啦，鬼叫我命硬咩…… 不过，宜家唔可以咁寸喇，攞晒啲保险钱出嚟之后，真係有杀冇赔喇宜家，求神拜佛出入平安先得！
係啰，我钟意靠自己，亦ENJOY靠自己。其实我想做女强人噶，不过好多人喺度猛咁催眠我话做女强人会揾唔到老公，哈哈~~~ 其实又係嘅，强人留返俾男人做啦，一个女人仔，何必搞到咁辛苦呢？（算啦都係，有人要你先算啦，大只讲，KAKA……）
今年嘅另一得着，我开始理清楚自己前进嘅方向……以前傻下傻下，见步行步，宜家唔知係咪老咗嘅原因（本人已步入轻熟龄喇），三思而后行就最稳阵。乱冲乱撞就九死一生啦。理想：今年内考到高级，30岁前考到高技！嗯……要奸下爸爹至得喇！有书要衬嫩读，有试要衬嫩考，同生仔一样吧大概？
爱情可以冇，但唔可以冇面包！我要将我嘅王国发展壮大，起码要意大利咁大啦……哈哈…… 我嘅人生履历开始慢慢改写了，因为我从未想得这么理想！
希望嚟紧嘅2009年7月，会better n better啦，希望久违嘅大家都顺顺利利！
P.S 不要再问我有关感情嘅问题，各位。你哋觉得我会回应咩？？？唔好傻喇……
2008/6/16 懵盛盛冇譜愛作賎 觀後感
喺床上面典典下瞓唔着，于是就睇下啲BT戰利品啦咁話，點知，唔睇由自可，一睇就窩可！
2008/5/28 我们暧昧，却不属于对方...... 暧昧是，比好朋友再亲一点，但比情人远一点。 暧昧是，你会送些小礼物给他，但大家从没有开始过。
2008/5/16 出走很想選擇出走......
2008/5/5 暗病儼如中午銅鑼灣鬧市的驕陽vs臨近子時羊城的雷雨，經常以忙爲藉口与MSN SPACE半決裂的我又在此時此地出現了。也許可能就是因爲這場帶着聲音的雨，提醒我現要回來這兒報到一下吧。 最近，我的饑餓睡眠後遺症又令我産生咗大量匪夷所思的夢境。包括今天的香港trip亦不能倖免。夢境內容大概是這樣：我睡在一張床上，這張床有著跟我家一樣舒適的床墊，床墊上規則的紡織條紋，仿佛只是看著都可以有著用手輕抚一般的立體觸感。床上的我大概睡醒了，正要下床告別睡眠之際，突然发現我睡著的床竟然沒有邊際，環顧四周，床上亦只有我一人，和一望無際的規則整齊的床墊花紋。四周泛着昏暗的光，灰黃得令人越发害怕。我慌張的尋找着可以下床的地方，但苦无頭緒……但現實竟然跟夢境完全相反：我身旁正在睡著一个我熟悉而又能讓我感覺舒適的人，我睡的床亦大概不能容得下增了肥的我，房間内的灯是日光管，顔色亦是清一色的白。 人总是那麽奇怪（或者奇怪的只是我），總會做些和現實大相徑庭的夢。我不知道這次奇怪的夢要告訴我什麽，可是我已經知道，我的身体里已經有着一个奇怪的規律：如果睡前沒有吃過宵夜的話，我一定久久无法入睡，或入睡之後總會因为恶梦而驚醒。如果你被這个可笑可惡又可怕的事實折磨着你超過一年的話，你又会怎樣？ 另外總括了一下，我今天的trip，囊括了以下幾個經典大獎： 08年購買力最弱採購 大獎 08年告別孤獨採購行程 大獎 08年採購過程中回住處“報到”最少次數 大獎 08年差啲趕唔切最驚險搭車 大獎 08年穿衣最多的夜間睡眠 大獎 08年最活躍的夜間睡眠 大獎 08年回程車最舒服睡眠 大獎 得奖感受：真係好意外！一下子接受唔到可以一齐摞到咁多个獎項！我會珍惜哩度所有獎項带俾我嘅得或失。多谢FANS！我会繼續努力！am...俾多小小時間我講嘢啦，因爲最後喺哩度仲要多謝一个人，係佢帶領住我去成就哩一啲嘅獎項，特別係關於睡眠嘅獎項，喺完成嘅過程之中都非常艱辛，所以，哩啲獎項你都有份噶！多謝~~！ 2008/2/11 Nice
很久沒有過的nice。 或者可以這樣子说：從來没有時間去be nice，今天終于有時間nice了一鍋。 怎麽nice？怎麽去be nice？其實，我世界裏的nice，說出來，只怕是貽笑大方。 just in a nice place,with a nice guy,to share a nice time... 對啊，這已經是我的“蒲”了。
离我嘅dream bar亦有一段距離嘅Shadow tower（姑且咁样叫佢吧）， 裝修獨特但佈置核突，格调不算高雅但情调幽雅（排除了一些不喜歡的雜音之外） 大鄉里一般第一次踏足的整體感覺：不算最好但已經很好 物價水平非常適中，在這个什麽都脹except工資的世代，亦是 FB 此詞流行的世代。
肩膊上的微酸，仿佛告訴我已經和relax一詞脱節好耐。久違的這詞兒，我又悄悄地和它相遇了。 通常只屬於奢侈品的靓view、酒杯和暗燈，我都把它们一一变成永不磨滅的鏡像，于心情、心靈内，默默地存为紀念。 差點在人前落下泪兒，只因与悠閒再次相逢。這對于別人來说，無疑有點浮誇。 但現在的我，是生活乏味，行爲公式化的我，過住與性格背道而馳的時日。若不是心裏面對於事業的執著和堅持，只怕我早就失去生存的意義。
窗外的夜景，閃亮、幻滅 美好的時光總是短暫無情 我向往夜色，但更向往夜色中的華燈，總是那么美，那么令我留戀 當灯火熄滅的一刻，我竟有一刹那的回不了神 沒有光的夜色，好像催促我回家一樣，越觉冻的天氣，亦告訴我不應再流連 喜愛黑夜如我，當然只有戀戀不捨，但亦最終逃不掉只能细细回味的命運 家裏面等着我的依舊是一大堆的死物 我知道我亦要回到公式化的生活之中 我逃不出的
或者食得咸鱼就要抵得渴，have = lost 我have事業，but lost咗好多嘢，数唔清嘅嘢 不知哪年哪月才能再次和美丽的寂寞相逢 沒有答案，找不到答案 这一个叫做 SHADOW TOWER 的地方，不多不少地，又把我帶到了发傻的境界 今天仍然寒冬，但身上只是深秋的衣服。雖然凍，但至少心靈是暖的。 這就是現在的我，問你怕未！ 2008/1/20 尋獲最愛不必怕任性聽住哩只歌，你會諗起啲咩呢？
黎明 - 如果这是情 如果这是情我竟不清醒 让我的美梦换你一世情 寻获最爱不必怕任性 人生似为情究竟应不应 就算风已静热爱不要停 谁是最爱不必再验证 2007/11/1 味道自從大個咗之後（叫做有啲tay屎之後），好留意味道。人的味道。 2007/10/30 无題不可思議地，我又回來了 2007/6/22 時間嚟到零七年嘅六月底……咁耐冇返嚟MSN SPACE寫嘢，我喺度諗，如果MSN SPACE係一個人，我會同佢懒有型咁講一聲“surprise!?”（相信佢亦會以一个好錯愕而又無奈嘅表情回饋俾我……） 個人一攰，就咩都唔想理，咩都唔記得噶喇~~ 宜家仲要發展到連MSN都好少上。中國人嘛，QQ 總係第一嘅。今日唔知癡咗邊條線，會記得返上嚟MSN SPACE度睇下同发表下啲懶久違嘅感言。如果大家見到我MSN旁邊突然嘅有粒星係度縮小放大又縮小咁样，唔使咁驚訝，粒星只係我頭上代表“暈眩”嘅星星圈嘅其中一粒而已。希望咁耐冇見嘅大家，一切都好。 2007/1/2 寫在06倒數之後現在的我，不趁“倒數”这个墟。 以前試過一次，200X年嘅時候，又係那个行货地方：中華廣場。N多的人，逼餐死。之前抱住睇熱鬧嘅心情去尝个鮮，但係之後大呼上當：一次無聊夹悶蛋的遊街經歷。過節應該是這樣的嗎？我的節日應該要這樣過的吗？ 冇錯，一大棚人一齊，係一件甚爲壯觀嘅事。但係lum棚咁又會點？尤其，廣州，哩一个已經冇咩公德，冇咩秩序可言嘅乱城，廣州+lum棚+多人=？我唔敢想像。 節日，可以是熱鬧而隆重的，亦可以係簡單而溫馨的。可能我已經不再年輕了，因爲年輕人過節，要熱鬧墟冚。稍爲有小小代溝嘅“大”人，已經提不起那个凑熱鬧的興趣，撩不起那鋪癮。 或許屬於我的節日，只是一个簡單富足的日子：幾個好朋友加幾杯靚drink，又或者和lover一起平平静静。和死黨天花亂墜，或和情人竊竊私語。我只求舒服，融于舒服的環境，面對舒服的人。對於我，或許這些已經夠。至於那个叫做“倒數”的繁文褥節，更是不必。因爲，我們的生命，每時每刻都在倒數着。不太必要爲那所謂每年一次的大衆化節日而勞心勞力。又何必爲這个叫做節日的藉口，而鋪張一番？ 人与人之間嘅感情，如果要靠過節嚟維繫，咁先係真正嘅悲哀。 2006/12/20 我只想講……整整二十三年。如果我是樹的話，我的腰围就是二十三个圈。
生日每年一次，亦希望下年，下下年，下下下年……都過得咁開心，咁滿足。 雖然精神上缺少咗啲嘢，争咁啲嘢，但係我依然活得很好，很自在。 我冇變到。我依然咁鍾意食提子味嘅糖，依然咁鍾意玩大富翁，依然咁鍾意曼聯，依然咁鍾意Adidas，依然都係咁懒……我依然係我，我行依然我素。 新相識、旧老友们，好親近、好疏遠们，半熟人、陌生人们，希望善良的你們也如我快樂，如我幸福。 猫鱼 上 2006/11/6 咖啡文化 = 種類 = 介紹 《II》墨西哥荫载
 巴西依帕内玛
百利维佳
特级哥伦比亚拿里诺
咖啡文化 = 種類 = 介紹 《I》
2006/10/22 我的Boxing Day ^.^距離生日仲有整整两个月，而我就拆禮物了----是自己買給自己的禮物。一大堆的護膚品。價值六舊几水~~~ 条痢很LA，啲肉好赤~~~~ 算啦，一年一次！（幾好聽的藉口！）
聽日做嘢，之餘仲有得反，正~~~！阳光海滩，我嚟喇~~~！（聽講天氣預報話聽日又灰又“迷”，能見度高都算好了~~~ -.-||） 決定，聽日抓緊時間，影多啲靚景相~~~ 唔係就真係對唔住自己，對唔住啲咁靚嘅風景！嗯！ 为咗聽日精神好啲，好！周SIR！我嚟探你了！你準備開門啦！ 2006/9/17 終於发現我偶像嘅嘢……興奮ING
2006/9/10 依然感動·感動十年唔知點解，當我今日喺車上见到有个乘客手中嘅嗰份體育版嘅報紙，见到“红魔”“勝利”哩两个詞，竟然会有种莫明嘅感動……
赢波，值得高興。四連胜，更令我高興。打破宿命，高興二字已經不足以形容！嗰种感覺，就好似见到自己嘅lover，做咗一件好成功嘅事，好鄧佢開心，同時自己亦好開心。
就喺24小時之前，啲朋友问我“今晚曼聯对熱刺，点睇”嘅時候，我嘅客觀分析話俾我知，應該推熱刺受一波。对外係熱刺，但係鐵杆如我，無論如何，點都会support MU。唔好笑我哩一个盲目嘅情結，就係哩个十年咁耐嘅情結，俾咗我好多快樂。以前我唔会賭波，不過宜家有咗小小經濟條件，就喺BET365开咗个户，凡曼聯有赛事就support十蚊，無論對手係边个。而MU同我就好似老夫老妻一样，愛得细水长流，心照不宣，但間唔中佢又可以俾到我驚喜，就好似琴日一样，forever嘅九月九號。
記得小時候，喺芸芸球隊之中，我就鍾愛咗曼聯。到宜家，依然未變。佢就好似我一直掛念嘅一个人，已經成为咗我生活里面嘅一部份。当碧咸仲未可以着七號嘅時候，簡東拿令我又愛又恨嘅時候，第一次真正佩服费格遜嘅時候，舒米高喺后场嗌生晒嘅時候，揸住本宜家已經冇得卖嘅“曼聯足球”如獲至寶嘅時候，覺得MU唔可以缺少NEVILLE兄弟嘅時候，为碧咸嘅传中波同香蕉任意球拍掌嘅時候，傑斯、史高斯、苏斯克查入波嘅時候，鋒線上两舊朱古力令人闻風喪膽嘅時候……就好似琴日嘅事一样，但係已經過咗近乎十年……
當得知MU琴日嘅勝利嘅時候，嗰種感覺令我真係好想攬返住我嘅初戀男朋友，將我開心同感動嘅眼淚，整濕晒佢件衫……
P.S 已經好耐冇上嚟UPDATE我嘅MSN SPC了，为了MU，我回來了。
2006/7/23 休息好好，好好休息休息真係好！唔使挂住咁多嘢，将啲嘢PASS晒俾人做嘅感觉尤其盏鬼！成个人松晒，连呼吸都顺畅啲，空气好有自由味。休息时间，一日24小时，太少喇……240小时就差唔多……
好耐都未试过放工就直接搭车返屋企喇……感觉实在係正啊下！今日多咗好多闲心去观察人哋：嗰个侧面酷似洪朝丰嘅二路车司机、嗰个拎住一袋通菜，好有住家男人FEEL嘅外国路人甲、嗰个摞住个手提电话大大聲扮晒蟹，自以为觉得好有型嘅阿姑……哈哈，今日喺返屋企嘅路上发掘咗好多好多嘢。 以前学生时代，一到寒暑二季，大大个假期，竟然猛咁喺度话“点解个假放咁耐噶！好闷啊！”，真係身在福中不知福。宜家想有个大假放下都唔得……唔係话唔得嘅，得噶，要付出代价咁之嘛。 做咗正职，冇咗好多外快。计下计下，做咗差唔多半年嘅正职，推咗若干个JOB，起码冇咗N千蚊。有得有失啦，份正职都学到小小嘢嘅，哩N千蚊就当交咗学费…… 我MAMMY宜家係一个坚定不移嘅珠江台FANS……可能因为我啦，呵呵……但係有一日我惊闻，我嘅一个都几要好嘅初中同学，都入咗珠江台做记者……哩个同学我MAMMY都识嘅。我话咗俾MAMMY听，MAMMY就唔睇张小莉，而改睇徐洁喇……阿妈宜家傍晚时段嘅电视节目排到好充实：六点钟，听我讲嘢。六点半，听我同学报新闻，哈哈…… 后记：有个歌手叫王菲 近排劲喺度听王菲……唔多唔少同话佢要退出乐坛有啲关系……拿拿拿：今日返工嘅时候见到某杂志话，有个王菲FANS自杀喇……记得以前我曾经鄙视过王菲，因为一度怀疑佢学the cranberries主音，但係听下听下，又惯咗……可能香港乐坛真係需要一个本土嘅dream-pop singer啦，anyway，王菲把声又真係几适合。
当王菲仲係王靖雯嘅时候，把声係冇得弹嘅，嗰时细细个就觉得佢好有个性，佢把声如是，佢个人亦如是。哇，宜家听紧哩一只……简直经典……名字叫做“誓言”，王菲同窦唯嘅合作作品……听落，啲歌词好似暗示紧啲咩嘢咁…… 唔知係咪耐得滞冇写SPC呢，N多嘢讲……15、16，唔讲唔舒服！
2006/7/8 一些散收收的記錄……今天。公司今天熱辣辣。呻吟聲此起彼伏，一浪接一浪。
（宜家请用你嘅人性嚟克服你嘅獸性，保持你嘅理智……唔好諗埋一邊……）
係因为双休日要返去OT。周六周日唔開中央空调的公司，惨不忍睹，人人叫苦连天。好比旺角芬兰浴，真係“鐵木真打忽必烈”。 很“榮幸”地，我也是焗桑拿的一份子。掙扎ing…… 风扇吹到恒，但都係冇鬼用，成个巨型风筒咁。只好不断咁用做嘢、睇嘢、听嘢、食嘢同饮嘢嚟麻醉自己，将自己堆砌喺卡路里之上……
終於挨到收工……比平時鬆動小小嘅189，将我带到去环市路，摞一件我應得嘅嘢。行行下，见到一些小店，几骨子下，入去睇完一輪，又遭到大洗蟲嘅侵襲，手和心又開始痒痒了，于是二话不说，买咗一件我衣櫃里面正缺少嘅一类衫----一件懒潮的“dot柄”，衫裙，卡其色底crossover黑色波波，然後開始想像，将佢着上身之后会喺点……一定儼然小鳳姐后生版，相信着住嚟唱返只“顺流逆流”，会相當有型……
从小鳳姐个舞臺度落返嚟，然後就向下一站進發：省台……幸好今日又唔算多嘢做，三条片，收工。
八點几，終於返到親愛嘅屋企，第一件事，就係飛奔去，開冷氣……我受夠了……
明天，大SHOW，LAST一场，做完又可以放低一个重擔了……祝我一切好運……
|
||||||||||||||||||||||||||||||||||||||||||||||||||||||||||||||||||||||||||||||||||||||||||||
配方独特，畅销不衰，堪称经典。
|
|
