12月21日  星期三  大风到变态

 

早上八点未够，俾阿妈嘈醒，叫我返学。然后我没好气地向阿妈丢咗一句“下午啊！”俾佢之后，试图继续瞓。

 

九点，从阿妈变态地大叫之后，我喺张床度努力咗一小几钟头后不果，终于弃械投降，落床反电脑。

 

十一点半，动身起程，去大禾食LUNCH。我食咗一大碟刺身（哈哈，正）！好耐都冇食刺身食得咁变态喇！我又补充咗大量嘅OMEGA 3……哈哈！

 

十二点半，食完SASHIMI，行去恒宝打算搭MTR返老西同人作“不法交易”。途中经过仙记，心生变态念头，于是就走咗入去搞咗杯大嘅珍珠奶茶出嚟，返学叹！

 

一点，到达老西铁站，同对方“接头”，并且一手交钱一手交货，交易顺利！

 

一点二十分，返到学校。同某好友寒暄咗一大轮，上课——财务案例研究嘅LAST一节课（其实冇乜点听过书，全程喺度玩GAME饮奶茶。隔离班有条友上咗去发言，我喺度好变态咁猛咁笑嗰个人个发型GEL到萝卜咁）。哈哈，正！三点半就放咗学！

 

三点四十分，返到HOME，东搞搞西搞搞，准备下个行程。

 

四点四十五分，又出街。十分钟ON FOOT之后又到达咗嗰个熟悉到变晒态嘅MTR。上咗车，发现个广播同平时唔同咗，多咗句：“地铁三四号线将于12月26号开通，欢迎乘坐”。OH YEAH！

 

五点十五分，到达天河，FOR一个MC面试。十分钟就搞掂，个面试快到变态。返出嚟嘅时间JUST係五点二十五分。之后又步行去MTR，坐返铁仔返老西。

 

六点，出MTR，到达老西。然后入咗中六电脑城逗留咗五分钟，买咗两个墨盒。然后喺隔离工行ATM摞钱。哇！嗰间自助银行简直多人到变态！

 

六点二十分，到达DINNER地点超记。宾客一个都未嚟。我就趁机揸住本“奶”，刨啊刨……宾客们都迟到了，排名不分先后嘅有可乐、TRACY、狐狸、糖糖。最后NIKI都赶埋嚟了！齐人到变态！收到咗四份生日礼物：分别有一号佳丽：大鱼食细鱼袋仔（有风味）、二号佳丽：广州音字典（够实用）、三号佳丽：鱼形耳环（几衬我）、同埋四号佳丽甩裤姑呖（好好食）！多谢晒姐妹们~~~！

 

九点二十五分，返到HOME。睇电视。喺成个睇电视嘅过程中，四号佳丽渐渐俾我同我屋企人消灭晒……快到变态！哈哈！

 

十一点，睇完电视。几分钟之后，今日约我去面试嗰个MM打电话嚟报佳音，话个客拣到我。叫我再等通知彩排之类。哩份生日礼物都唔错！

 

终于挨到十二点喇，可以洗头。因为听老人家讲过生日唔可以洗头。不过……过咗十二点就冬至啦，更加唔洗得头……百无禁忌！洗就洗！要忍多一日先洗头哩啲咁变态嘅嘢，我做唔出……

 

THIS IS MY 22ND BIRTHDAY。THE END。