個人檔案猫鱼知+：人生有個真正朋友~的確好……极！飲勝！相片部落格清單更多  |  工具 說明 |
|
7/12/2005 嚟！想同我讲生日快乐？入嚟哩度，唔使排队……哈哈十二月喇，今次大锅喇！因为又就嚟要老咗一岁噜……计计数，小妹今年二十有二了。“十八廿二”哩个词就嚟唔可以用喺我身上喇，惨！--|||
不过，某人话斋，生日年年有，年年都係咁过啦（真係邓二月二十九号出世嘅朋友唔抵！哈哈！）。其实生日愿望我来来去去都係嗰几个：身体健康，一切顺顺利利就OK晒喇。今年我贪心啲，要加多个“事业有成”添（不过我都未有自己嘅事业，哩个愿望似乎奢侈咗啲）！经过咗哩两年，越嚟越发觉自己好钟意做嘢，好ENJOY做嘢（当然係做我钟意做嗰行啦）。从初中时代，上台唱只歌仔都标晒汗，个心BING LING BANG LANG咁跳，到宜家，上台之前仲会安慰人唔好紧张，面临将要落台嘅嗰一刻仲喺度谂“点解个SHOW咁快完嘅？”，我觉得自己真係老练咗。岁月催人老，催埋人“老练”添啊！嗯，咁都好啊，自己起码有进步过，叫做对得住自己先。
面临下个月我将会本科毕业，前路真係TMD茫茫……对住前面咁多条路，真係好难拣。烧到眼眉咁滞喇。唉，唔谂佢住喇。烧到埋身先算啦！哈哈……（此乃反面教材，射手座本性，各位小朋友千祈唔好学）
生日喇，圣诞节喇，唔知各位大帝们有咩节目呢？俾着我拣嘅话，我宁愿做嘢做到忙个不停。同啲三五知己去食餐饭，或者饮杯嘢倾下计咁咪算咯。我份人好简单。其实我唔使成日见住啲朋友噶，知道佢哋过得好，过得开心，就OK噶喇。
今年係咁多年嘅生日之中，最忙嘅一年，忙学业。毕业喇，呢两个字千斤重。一谂起就嚟要放低哩两个字，真係有说不出的快感。希望嚟紧嘅2006，正如星座书所讲，一切都会更加好啦！当然，亦包括猫鱼嘅所有朋友们！亦都希望，可以做到自己想做嘅事，可以逐步实现自己嘅理想，咁就PERFECT喇。（希望梦想成真！）
喺度，猫鱼亦都谨祝大家：圣诞快乐，心想事成，2006年要开心啲！
P.S：其实我最最最希望，就係各位呢，俾我嘅生日礼物同圣诞礼物呢，分开送啊，咁就最好喇，唔好咁悭啊知道嘛！哈哈！讲笑啫。大家冇俾我吓亲啊可？GGGGGGGGGG………… 回應 (8)
引用通告此內容的引用通告是： http://mcghostfish.spaces.live.com/blog/cns!BFEE216F3F833CE4!477.trak 引述這則內容的部落格
|
|
|
