俾大佬话我懒，唔update个space。哈哈……咁我都唔想噶嘛，确实，近排开始好忙，for交易会。

 

行行企企就一日，真係一份都几EASY嘅JOB。同埋，有一个几舒服嘅工作环境，真係嗒得杯落。不过，只脚一啲都唔舒服，因为对高踭鞋。出面啲激人就one night stand，而我，就要stand够一day，啊唔係，係十days至啱……

 

虽然呢一切都嚟得咁自然，咁顺利……但係仲有美中不足嘅係“食”呢一个问题。“交易会”真係可以同“高消费”划上等号！放眼四周，几乎全部都係“高级食府”！最平，七仔，八蚊一个盒饭。不过，唔可以带返做嘢嗰度食呢。难道要我是但揾挞地方企喺度（甚至踎喺度）食？附近一间食完会令我发热嘅快餐店，麦记，已经可以归入低消费行列（我认为可以归入啦）！最离谱嘅，就係嗰间咁嘅coffee shop“兜巴星”！真係好鬼抵死嘅啫！一入中酒北门，第一嘢就可以索到嗰阵香到晕嘅咖啡味，啲香味仲要一浪接一浪咁涌埋嚟，令我又爱又恨，简直挑衅！

 

终于都等到放得工。哈哈……放工之后，去咗啱啱吹水识得嘅中酒LC铺头嘅姐姐度。姐姐好好人，28岁喇，睇上去好似廿四五一样，而且，仲好好倾添。最重要嘅环节，就係试佢铺头啲嘢啦……哈哈……（我都feel到自己笑得好奸……嘻嘻……）。十五分钟之后，总共价值几千蚊嘅护肤品，就咁就俾我同我个partner一次过咁挞落自己块面度，即时，一股虚荣之感就油然而生喇。块面係咪真係滑咗？唔知。不过，至少心理上觉得係！

 

唔懶喇，我今日终于update咗我嘅space喇。
唔懒喇，我，又开始做嘢喇。